SOLIDARIEDADE INDEPENDENTISTAS. QUEREMOS O HEITOR NAIA NA RUA!
Dezembro 10, 2014 | Em destaque, Repressom
A falta de claridade e de provas contundentes tem caraterizado mais umha vez o julgamento contra um independentista que, estando em liberdade e sem supor nengum risco para a comunidade, será obrigado a ingressar 11 anos em prisom. O próprio voto particular dum magistrado do tribunal que o condena, explicando que se sobrevaloriza como cargo contra o acusado o “pato de chivatos” entre “arrependidos” e a procuradoria, assim o exemplifica. Neste caso, o voto discordante do tribunal solicita… absolviçom!
Mas a Audiência Nacional espanhola, que nom podemos nunca esquecer que se trata dum organismo alheio à estrutura ordinária da ordenaçom judicial espanhola, isto é, trata-se dum tribunal de excepçom, ressolveu que o vizinho de Vigo Heitor Naia deve ser encerrado a barbaridade de 11 anos.
Durante os próximos meses, o Heitor poderá permanecer em liberdade ao ter previsto recorrer ante o Tribunal Supremo, tal e como informa CEIVAR. A este organismo antierpressivo, a amig@s, familiares e companheir@s do Heitor, e com certeza a ele próprio, enviamos de BRIGA umha calorosa aperta revolucionária, com a firme conviçom de tratar-se dum compatriota que nunca representou um perigo para o seu Povo, mui ao contrário de quem o julga, quem o condena, e quem o criminaliza.
