PERANTE AS DETENÇONS DE 4 MILITANTES INDEPENDENTISTAS

Junho 17, 2019 | Em destaque, Notícias, Repressom

Perante esta nova vaga repressiva contra o independentismo galego, as jovens organizadas em BRIGA queremos denunciar a detençom de quatro militantes independentistas durante a passada fim-de-semana e a aplicaçom sobre elas da sua legislaçom “anti-terrorista” com a vulneraçom de direitos humanos em que esta se sustenta transladando as pessoas detidas a Madrid e mantendo-as em regime de incomunicaçom, que se pode prolongar até 5 dias com todo o que isto supom (risco de torturas, vejaçons e maus tratos, impossibilidade de escolher atençom médica, nom poder informar da sua localizaçom nem do seu estado, nom poder contatar com a sua defesa…) e deixando-os numha situaçom de indefensom absoluta devido ao trato de excepcionalidade a que se lhes submete.

Durante as últimas décadas assistimos a umha persecuçom contínua contra militância independentista com umha legalidade repressiva e anti-democrática aplicada pola Audiência Nacional (outrora Tribunal de Ordem Público) e as forças de ocupaçom espanholas situadas sempre sob os interesses do regime e do capital que o sustenta.

Ademais lamentamos também a forte campanha de criminalizaçom que desde a imprensa sistémica se está a desenvolver de forma maioritária vendendo um relato falseado e encetando um julgamento paralelo com a intençom de criar umha alarma social com o movimento independentista deste País assim como contra qualquer expressom que questiona a legalidade vigente como alvo.

É por isto que exigimos a imediata posta em liberdade das pessoas detidas assim como a derrogaçom da legislaçom excepcional chamada “anti-terrorista”  e queremos transmitir o nosso mais caloroso abraço e a nossa solidariedade com as familiares e amizades das militantes seqüestradas.

LIBERDADE INDEPENDENTISTAS!

QUEREMO-LAS NA RUA!

liberdade-1