O VELHO HOSPITAL EM MAOS DO CAPITAL ESPECULATIVO!

A sexta-feira passada, dia 20, a USC assina com Asteriscos Real Estate S.L., o contrato de compra-venda do antigo Hospital Geral de Galeras. A USC, proprietária do prédio e co-responsável do seu abandono, já recebeu 50% do importe total sendo a quantidade que pede polo prédio de 7.195.610€. O velho hospital leva em desuso desde 2003, deixando passar o tempo por ele até converter-se num imóvel completamente ruinoso. Já anteriormente, com o governo do PP na cidade, valoravam a ideia de passá-lo a maos das empresas e agora co governo de Compostela Aberta formalizam umha decisom antes defendida polos principais representantes do caciquismo e a corrupçom na nossa cidade . Assim, esta passada quinta-feira, o pleno municipal do concelho aprovou a modificaçom do PXOM que afetava a dito hospital, ampliando os usos do complexo para poder destiná-lo também ao uso comercial e hoteleiro. Isto entra em contradiçom com a modificaçom do Plano Especial do Casco Histórico aprovado a sexta passada, o qual establece umha moratória de dous anos na concessom de licenças para novos establecementos hoteleiros, vivendas turísticas..etc

De BRIGA rejeitamos completamente esta decisom do governo de Compostela Aberta, pois avaliamos que se trata de mais um dos múltiplos casos de especulaçom urbanística que se estám a desenvolver na nossa cidade. Reclamamos que o imóvel nom poda passar a maos do capital privado, que se destine ao uso social da vizinhança e nom ao enriquecimento dumha minoria afastada dos interesses das e dos compostelanos. Estamos fartas de que se traspassem os bens públicos em favor das grandes empresas enquanto a populaçom vê minguar os serviços sociais imprescindíveis.

A Plataforma de Vizinh@s de Galeras já se mostrou em contra, reclamando que o imóvel nom passe a maos privadas, que se lhe dê o uso socio-sanitário para o que estava destinado quando se expropriárom as terras para o serviço público e exigindo a reabilitaçom do prédio por memória urbanística, patrimonial e social do bairro.

As moças/os organizadas em BRIGA rejeitamos as políticas de especulaçom urbanística que se continuam a desenvolver na cidade e reclamamos que o velho hospital seja destinado para o benefício da vizinhança e nom do capital privado.

COMPOSTELA LIVRE DE ESPECULAÇOM!