Mobilizaçons comarcais dam começo à semana da Pátria
Julho 17, 2014 | Em destaque
Hoje dia 17 decorre na Corunha a primeira das duas mobilizaçons comarcais que a juventude da esquerda patriótica organizou para homenagear o 25 de julho. Os atos comarcais som um petisco do ato nacional central que decorrerá em Compostela no 24 de julho, a já tradicional jornada de combate e lazer juvenis por umha Galiza ceive.
Às 20h30, jovens das entidades que conformam o comité organizador da manifestaçom unitária do dia 24 chamam a estar no Obelisco. Do cêntrico ponto da cidade sairá umha marcha que percorrerá algumhas ruas até rematar o ato com a leitura dum comunicado conjunto.
Também, desta volta em Ourense, haverá manifestaçom juvenil convocada polas mesmas entidades. Como prolegómeno desta semana grande de reivindicaçom patriótica, a juventude ourensá está chamada a secundar umha mobilizaçom independentista que sairá às 20h do Parque de Sam Láçaro dia 22, terça-feira.
Em ambos os casos trata-se do segundo ano em que se realizam estas marchas comarcais em apoio da nacional que, em data de 24 de julho, percorrerá as ruas de Compostela.
BRIGA anima a juventude corunhesa e ourensá a aderir às marchas locais e espalhar pola Galiza toda a imagem dumha mocidade mantendo vivo o País! INDEPENDÊNCIA!
