Intervençom de BRIGA na homenagem a Moncho reboiras

Dia 12 de agosto decorreu em Ferrol, na cêntrica rua da Terra, a dêcima terceira ediçom da homenagem que NÓS-UP organiza desde 2001 ao ali caído, em 1975, combatente comunista galego Moncho Reboiras Noia.

Eva Cortinhas interveu em nome da nossa organizaçom, expressando no seu discurso a humildade combatente que BRIGA quer fomentar entre a juventude galega. Colocando-nos, com exemplos dessa tarefa histórica de rebeldia e emancipaçom, referentes de luita e trabalho como o camarada Reboiras. 

A seguir reproduzimos o discurso da companheira:

Companheiras e companheiros, amigas e amigos,

é um verdadeiro honor para mim poder intervir em nome de BRIGA nesta homenagem que Nós-Unidade Popular dedica mais um ano a Moncho Reboiras, sem dúvida um dos mais destacados combatentes da longa luita mantida ainda hoje polo nosso povo contra o terrorismo da mesma Espanha capitalista e patriarcal que pujo fim à vida do jovem Reboiras há 39 anos.

E é um honor para mim, jovem aprendiz de revolucionária, estar aqui entre umhas dúzias de companheiras e amigos da Unidade Popular num ato que se organiza ininterrompidamente desde 2001 e que é umha boa mostra do profundo respeito que o nosso projeto político dedica ao exemplo e legado de Moncho Reboiras.

Um ato humilde mas infinitamente mais sincero e valioso que foge de lembrar romanticamente ou por rigor quase litúrgico ao jovem combatente e que por suposto foge de elegias, mitificaçons ou falsas interpretaçons.

Um ato no que nom lembramos, reafirmamo-nos, pois as liçons do comunista abatido a tiros nesta mesma rua estám presentes na nossa atividade militante quotidiana. Desde os dias nos que participamos de confrontos policiais ou sofremos umha detençom até as tarefas consideradas menos heroicas mas imprescindíveis para a nossa luita, como assistir com pontualidade a umha reuniom, ir de colagem quando chove, estar durante horas planificando a intervençom numha manifestaçom ou estudando um complexo texto sobre categorias marxistas; em todos esses momentos estamos a aplicar liçons de disciplina, estratégia, abnegaçom, responsabilidade, coerência teórico-prática e coragem como as que nos aportou Moncho Reboiras.

E nom esqueçamos que o combatente que hoje homenageamos contava apenas 25 anos quando foi assassinado vilmente pola polícia espanhola, constatando-se o enorme potencial revolucionário da juventude, a nossa capacidade para dirigir e organizar, e sobretudo a real ameaça que representamos para o inimigo quando acordamos do profundo sono alienante e anestesiante em que nos introduzírom e transformamos a nossa vitalidade, agilidade e lucidez mental numha potente arma capaz de pôr em xeque esta ditadura do Capital cada vez mais difícil de disfarçar.

Por isso, as jovens que nom nos deixamos seduzir por tam mediáticos como inofensivos discursos pós-modernos, as que rechaçamos a comodidade militante de longas tertúlias de café, as que nom nos deixamos levar polo imediatismo e a impaciência, as que combatemos inteligentemente a frustraçom quando nos reconhecemos minoria, às que nos preocupa a penetraçom da pseudo-esquerda espanholista entre a juventude galega e as que nom só estamos convencidas mas experimentamos a necessidade objetiva de derrubar a Espanha, o Patriarcado e o Capital, estamos enormemente orgulhosas de estar nesta homenagem com Nós-Unidade Popular, com quem consideramos que de forma mais eficiente e certeira pode contribuir a manter viva a semente de vencer da que Moncho Reboiras nos falava.

No que a BRIGA respeita, a escassos dous meses de cumprir os nossos 10 anos de luita juvenil ininterrompida, reafirmamos a nossa firme vontade de continuar a trabalhar na difícil mas fermosa tarefa de fazer abrolhar em cada jovem trabalhadora galega a sua semente de vencer.

Aquela que encarnou o próprio José Ramom Reboiras Noia e que de fazermo-lo bem, nos levará sem dúvidas, a conquistar o poder para as mulheres, o nosso povo e a nossa classe.

VIVA A GALIZA INDEPENDENTE, SOCIALISTA E NOM PATRIARCAL!

VIVA A JUVENTUDE REBELDE GALEGA!