Ensanguentada a pomba da paz da Corunha
Agosto 28, 2014 | Em destaque, Internacionalismo, Notícias
O Grupo de Base da Corunha participou nesta terça-feira numha concentraçom na cêntrica Praça de Ponte Vedra da cidade. Nela, junto com companheir@s de NÓS-Unidade Popular e simpatizantes, embalou-se a pomba da paz sita na devandita praça a partir das 19h aproximadamente.
Posteriormente, umha bandeira de Espanha e mais umha de Israel, ambos estados terroristas e ínitimos aliados, fôrom colocadas por riba. E, a seguir, pintado todo com pintura vermelha, aludindo aos litros de sangue que o estado sionista leva derramado na sua última operaçom genocida. O resultado visual durante a tardinha foi apenas umha ilusiom do terror que o amigo povo de Palestina leva padecido nesta vaga de bombardeios, e na anterior, e na anterior…
Nós estamos mui longe de conhecer o sofrimento que pode padecer um/ha jovem palestinian@. E é por isso que saímos corajos@s, sentindo como um dever tomar as ruas para dar voz àqueles e aquelas a quem as bombas espanholas, alemás e francesas assassinam em território ocupado de Oriente acionadas polo governo nazisionista de Tel-Aviv.
A U€ e a Espanha às quais pertencemos contra a nossa vontade tenhem as maos sujas. Cheiram a morte. Nós queremos umha Galiza jovem com arrecendo a liberdade, a solidariedade internacionalista, e a lembrança na batalha a tod@s @s que o imperialismo se leva dia a dia por diante.
É por todo isto, também, que as ameaças da brigada de informaçom e da polícia local da Corunha ao finalizar o ato nom nos atemorizam o mais mínimo. Som a sua resposta à nossa paixom por sentir a dor alheia como própria. Som a resposta cúmplice, cateta e obscura à imensa tenrura entre povos da que a Galiza jovem e rebelde que BRIGA representa fai parte.
VIVA A LUITA DO POVO PALESTINIANO!
ISRAEL, ESTADO TERRORISTA! ESPANHA, U€, CÚMPLICES!
GALIZA COM PALESTINA! CORUNHA COM GAZA!
