Editamos nº 13 do vozeiro nacional, o XERFAS
Agosto 20, 2014 | Em destaque
Coincidindo com o decurso da X Jornada de Rebeliom Juvenil o passado 24 de julho, e aproveitado a maré de jovens independentistas mobilizad@s em Compostela polos atos festivos e de reivindicaçom nacional durante esse dia e o seguinte, BRIGA tirou do prelo o número 13 do nosso vozeiro nacional.
O XERFAS introduze umha análise das cadeias sociolaborais que Espaha e a UE imprimem sobre Galiza, além dumha série de comunicados breves e informaçom de atividade nos últimos meses. Todo isto nas suas primeiras páginas, que som seguidas por um texto de estudo na “Nova Lei de Segurança Cidadá” a implementar polo executivo de Rajói, cada vez mais temeroso das respostas populares contra o neoliberalismo em época de crise.
Como sempre, também temos um espaço para a intervençom escrita em chave feminista sobre o assédio sexual entre a juventude, expressom brutal do terror patriarcal que vulnera a capacidade de emancipaçom da maioria social. Ainda, decidimos entrevistar AGIR com o galho da sua reorganizaçom durante este curso político e a proximidade da celebraçom da sua VII Assembleia Nacional.
Nom esquecemos sugerir umha leitura, um grupo de música, um web, e umha achega ao meio sêculo de luita guerrilheira comunista na Colômbia, em pleno processo de negociaçons de paz com o governo narco-terrorista de Bogotá.
Agora o XERFAS está a ser distribuído em todas as comarcas do país com presença da nossa organizaçom. Também o podes conseguir solicitando um ou mais exemplares escrevendo para os correios comunica.briga@gmail.com ou briga.galiza@gmail.com
Boa leitura, e a luitar!
