Editamos Manual d@ Jovem Militante
Maio 1, 2014 | Em destaque, Notícias
A editora Xerfas ediçons, dependente da nossa organizaçom, vem de tirar do prelo um caderno de intervençom em agitaçom e propaganda denominado Manual d@ Jovem Militante.
O caderno foi apresentado na Escola de Formaçom desta primavera de 2014, e encontra-se disponível nas localidades do país com presença dos nossos Grupos de Base.
Este Manual pretende socializar entre a militáncia, e nem só, o labor de intervençom aprendido ao longo de 10 anos de presença da nossa organizaçom nas ruas, fomentando a praxe consciente e um perfil rebelde entre a juventude galega mais consciente.
Consta de 78 páginas que também se dedicam ao estudo prático e teórico da experiência militante marxista, feminista e patriótica, oferecendo umha análise baseada no conhecimento da política quotidiana desde o inconformismo, a ética revolucionária e a vontade de comunicar e difundir o trabalho realizado. Manexam-se para isso conceitos próprios da propaganda formal nos seus diferentes formatos.
Aguardamos que a sua vigência, mais atual do que nunca em época de respostas populares, sirva durante muitos anos e seja complementada com novos métodos de luita surgidos ao calor das mudanças impostas polo dia-a-dia.
