DECORREU XII ESCOLA DE FORMAÇOM DE AGIR E BRIGA
Abril 1, 2015 | Em destaque, Escola de formaçom
A imensa capacidade de autogestom dum fim-de-semana inteiro. A projeçom de fôlegos e vontade entre nós e especialmente aos companheiros e companheiras mais novas. O contraste de perspetivas sobre temas de inquietude para a juventude. A combinaçom de lazer, fraternidade, carinho, estudo e análise. Isso foi, mais umha vez, a Escola de Formaçom.
Um evento único entre a juventude deste País, que o nosso movimento político leva artelhando desde há 12 anos, quando começara a fazer-se, em 2004, em Cervo. Desde aquela movemo-nos por doze localidades distintas, por 12 jornadas diferentes, e com centos de participantes nov@s.
Este ano tocou pola primeira vez na cidade da Corunha, que foi vista dumha nova perspetiva pola imensa maioria de militantes e filiad@s que chegavam doutras localidades. “Conhecim umha Corunha que desconhecia”, “apaixonei-me desta cidade” ou simplesmente “quero volver aqui” fôrom alguns dos comentários d@s assistentes na assembleia de valorizaçom que se estendeu no domingo por mais de hora e meia.
Corunha e o País retrocedem a grandes passos forçadas por Espanha, a U€, o Capital e o Patriarcado. O povo trabalhador, as mulheres e a juventude cargamos com umhas dívidas inassumíveis que tornam o nosso dia a dia num complicado presente laboral, familiar, social, que necessitamos esquecer, ou combater.
Galiza precisa de mais jovens a trabalhar pola Pátria d@s que a trabalhamos. Mais jovens estudantes e operári@s com arelas de liberdade e mudanças radicais. A Escola de Formaçom volveu ser umha escola dessa liberdade que nós construímos e continuamos a construír. Une-te a esta luita.
ORGANIZA-TE E LUITA!
ADIANTE AS ESCOLAS DE FORMAÇOM!
