BRIGA irá no Dia da Pátria com Nós-Unidade Popular em manifestaçom independentista

Julho 20, 2014 | Em destaque

 

BRIGA quer transmitir publicamente o seu inequívoco apoio à manifestaçom independentista que o dia 25 de julho marchará pola capital do nosso país em convocatória da organizaçom política feminista, socialista e patriótica NÓS-Unidade Popular.

Polo quarto ano consecutivo NÓS-Unidade Popular convoca umha manifestaçom nitidamente independentista, feminista e socialista. A sua porta-voz, Rebeca Bravo, dixo lamentar “mais umha vez nom termos sido capazes de vertebrar umha resposta unitária das forças galegas no Dia da Pátria”, apostando pois firmemente na confluência numha única mobilizaçom nacional de forças soberanistas e independentistas, como no campo juvenil.

Precisamente sobre este terreno, Bravo sulinhou: “Queremos destacar o determinante papel de BRIGA em todo este processo, pola sua madurez e lucidez na construçom deste ciclo político no movimento juvenil galego, impensável há dous anos.” Para a Unidade Popular, o movimento unitário em 24 de julho deve ser um exemplo para as organizaçons adultas.

BRIGA estará também em 25 de julho a partir das 12h30 com saída na Alameda de Compostela. Será na manifestaçom independentista de NÓS-Unidade Popular, que continuará às 13h30 com o ato político na Praça do Toral, e com um jantar popular posterior com preços populares ao qual te podes inscrever consultando com a militáncia independentista ou perguntando o mesmo dia na marcha. Será após muitas horas de trabalho durante a jornada do dia 24, em que participaremos a partir das 20h da mobilizaçom nacional juvenil unitária e em que organizamos os concertos e o ato político da X Jornada de Rebeliom Juvenil.