AUSÊNCIA DE ACORDO COM CxG IMPOSSIBILITA CONCERTO DE BRIGA EM BELVIS
Julho 14, 2015 | Em destaque
Mais um ano, e após quatro ediçons nas que o governo do Partido Popular impossibilitou a realizaçom do concerto de BRIGA do 24J no conhecido parque compostelano de Belvis, desta volta é a nula vontade de acordo por parte de Compromiso por Galicia para partilhar um espaço solicitado por várias entidades com motivo do Dia da Pátria.
Como tinha acontecido no 24 e 25 de julho do ano passado, fomos várias as entidades que solicitamos este parque embora só BRIGA o ocuparia o dia 24, prescindindo dele o 25. Porém, o ano passado sim havia vontade de chegar a acordos por parte de CxG, que nom se tinha adiantado às outras entidades solicitando o espaço e perigava a possibilidade de realizárem lá os seus atos.
Desta volta, num exercício de cínica insolidariedade, a solicitude do parque foi apresentada por CxG com a suficiente antelaçom como para contar com o privilégio de decidírem nom partilhar espaço com nengumha outra organizaçom, inclusive um dia no que nom nos confirmárom terem nengum evento nocturno que entre em contradiçom com o concerto que BRIGA organiza.
BRIGA tentou favorecer um acordo oferecendo ocupar só umha parte do parque e mesmo assinando um contrato no que assumiríamos responsabilidades ante qualquer problema que pudessem sofrer durante os concertos as instalaçons para os atos de CxG do dia seguinte.
Porém, a negativa foi clara e numha mostra de carência da mais mínima vontade de convivência e entendimento, impossibilitam mais um ano que o concerto de BRIGA se realize no Parque de Belvis, onde desde 2005 até 2010 se tinha realizado ininterrumpidamente.
BRIGA lamenta esta triste decisom que só alimenta hostilidades que em nengum momento contribuimos a propiciar.
Nos próximos dias, anunciaremos o lugar onde finalmente decorrerá o concerto da XI Jornada de Rebeliom Juvenil. Lamentamos as moléstias ocasionadas.
Galiza, 14 de julho de 2015.
A Mesa Nacional de BRIGA.
