APOIA A JRJ!

O passado ano elaboramos um documentário onde figemos um repasso da prévia do Dia da Pátria desde há 15 anos. Militantes, ex-militantes, artistas e delegaçons internacionais falam do que há detrás desta data. Podes vê-lo na nossa canle de YouTube.

Cada 24 de Julho o parque de Belvis acolhe a JRJ, umha jornada de luita e de ócio feita por e para a mocidade. Mas trás estas horas de música e reivindicaçons, há muito trabalho militante. A JRJ nom seria possível sem o compromisso, o tempo e a dedicaçom de todas nós.

Durante todos estes anos a Jornada de Rebeliom Juvenil financiou-se, numha grande parte, com as achegas que fazia o comércio local da Galiza em troca de publicidade no próprio evento. Este ano, devido à crise económica, nom poderá ser assim.

Mas nom desistimos: a pandemia está a arrasar os movimentos populares que até hoje faziam frente aos abusos do Capital, inibindo a nossa capacidade de resposta. Somos capazes de recuperar as ruas, sendo responsáveis da segurança da nossa classe, algo que, nom obstante, eles nom tenhem demonstrado.

É por isto que fazemos um chamado, especialmente à mocidade, a ajudar na construçom dumha jornada que consideramos fundamental para a música em galego, a criaçom de ócio alternativo e para a reinvindicaçom nacional, de género e de classe na nossa cultura.

Apresentamos um projeto de crowdfunding, dirigido a salvar as dificuldades de financiamento derivadas da crise, e apoiadas na solidariedade do nosso povo. O objetivo é humilde, mas requer um esforço coletivo.

Sabemos que servirá para demonstrar que a agenda do independentismo nom é só responsabilidade nossa, mas de todas as pessoas preocupadas com a emancipaçom do nosso povo.

Ajuda-nos, porque necessitamos autogerir o nosso ócio, auto-organizar-nos para criar umha alternativa ao que nos oferte o sistema hegemónico, potenciando a música em galego e, nomeadamente, a feita por mulheres.

Estás com nós? #ApoiaaJRJ

Fai a tua achega:  https://goteo.cc/rebeliomjuvenil2021