AFONSO MENDES SOUTO: ATÉ SEMPRE, CAMARADA!

De BRIGA queremos comunicar, de novo, o nosso profundo pesar polo falecimento do militante independentista Afonso Mendes Souto, o qual foi membro do MLNG, participando em AGIR, Nós-UP e BRIGA. Afonso foi umha das pessoas fundadoras da nossa organizaçom naquele 16 de outubro de 2004.

Afonso, procedente do popular bairro corunhês de Monte-Alto, tivo umha importante implicaçom na defesa e promoçom da língua galega já desde muito novo, chegando a ganhar com os seus poemas prémios de poesia na Faculdade de Filologia da UDC e um segundo prémio de Literatura Galega no seu liceu, com um relato em prosa. 

Seguindo no ámbito cultural, foi cofundador da Associaçom Cultural Marcos da Portela, a qual desenvolveu diferentes atividades de defesa e espalhamento do uso da língua na universidade corunhesa, como foi, por exemplo, o Congresso “O galego hoje”, por onde passárom destacadas personalidades e ativistas da língua e cultura galegas. Além disso, foi bolseiro do I Congresso Internacional Curros Henriques, organizado polo Conselho da Cultura Galega, e trabalhou para Associaçom Galega de Estudos e Investigaçom Psicossocial. Também contribuiu com diferentes trabalhos para o PGL, para o Diário Liberdade e para o boletim da RAG, sendo membro da AGAL e da Comissom Lingüística da AEG desde o seu início e do Conselho de Redaçom da revista Kallaika, editada por este último colectivo. Destacou também no antigo Centro Social corunhês Atréu e o seu contributo foi imprescindível para fazer realidade em 2007 o atual Centro Social Gomes Gaioso.

No ámbito estudantil, também desde muito novo estivo interessado na militáncia, agindo como membro do Conselho Escolar e delegado em parte das suas turmas durante o Ensino Médio e representante, depois, na Juntas de sua Faculdade. Participou ativamente nas luitas contra a LOU e com grande compromisso na organizaçom estudantil da esquerda independentista AGIR, fazendo parte do Conselho Nacional.

A nível juvenil, foi membro fundador de BRIGA, dentro da necessidade de cobrir o espaço dumha organizaçom juvenil enquadrada na estratégia revolucionária do MLNG. Durante a sua etapa de militáncia juvenil, sofreu os golpes da repressom espanhola, sendo detido polo seu forte envolvimento na luita antimilitarista que surgiu em volta do desfile militar que se realizou na cidade corunhesa em 2005. Isto foi um dos desencadeantes dumha das maiores vagas repressivas contra a juventude do MLNG dos últimos tempos: a Operaçom “Cacharrón”, na qual foi detido após ter ido à esquadra policial a interessar-se polo estado do primeiro militante em ser prendido: Vreixo Lopes.

Protesto pola detençom de jovens independentistas

Rolda imprensa pola Op. Caharrom

Afonso foi, enfim, um bom e generoso que, sem ter nunca pretensons de destacar sobre ninguém nem de fazer grandes barulhos, realizou um trabalho impagável sem maior vontade que a de contribuir para a luita de libertaçom nacional e social de género do nosso país.

Protesto contra julgamentos à juventude

                                          Ocupaçom da CEG em Compostela

A militáncia de BRIGA queremos manifestar publicamente a nossa humilde, mas sincera, homenagem e total reconhecimento ao seu labor na causa nacional e de classe e reiteramos as nossas condolências a familiares e amizades.

Nom morre quem nom se esquece. Obrigadas e até sempre, camarada!

No Congresso de Nós UP em 2011