A ORGANIZAÇOM DA JUVENTUDE É A CHAVE PARA VENCER. SOLIDARIEDADE COM ARRAN

Dezembro 7, 2017 | Campanhas, Galega jovem e rebelde. Organiza-te para vencer, Internacionalismo

cartazarran
O passado 27 de março, Arran a organizaçom juvenil da Esquerda Independentista Catalá foi até a sede do PP no Principat em defesa do direito do povo catala à autodeterminaçom e a decidir livremente o seu futuro. Esta açom marcaria o inicio da campanha “L’organització és la clau de la victòria” na qual as companheiras de Arran poriam sobre a mesa a necessidade da organizaçom popular para materializar o referendo do 1-O e implementar os seus resultados no caminho face à República.

Após cas 6 detençons executadas polos Mossos d’Esquadra e a Polícia Espanhola, a acusaçom particular do Partido Popular solicita a cada jovem encausada 6 anos de prisom por colar colantes e denunciar o seu papel na coerçom e repressom da vontade maioritária do povo do Principat.

De BRIGA, sendo conscientes de que contra a repressom temos que respostar de forma coletiva, solidária, afortalando os laços internacionalistas e denunciando com claridom a escala repressiva do Estado perante a mobilizaçom e organizaçom popular em Catalunya em chave ruturista, transformadora e independentista, enviamos todo o nosso apoio e força às 6 pessoas encausadas por serem jovens, rebeldes e combativas e execerem a desobediência como mecanismo para a libertaçom nacional, social e de género em Catalunya.

Sabemos que o aumento das operaçons repressivas respondem ao risco real de rutura que sofre o Estado espanhol no Principat, propiciado em grande parte pola organizaçom da juventude em ferramentas revolucionárias. E estamos seguras de que as petiçons de 36 anos de prisom nom deterám a luita das companheiras de Arran, senom que continuarám no caminho face à construçom duns Països Catalans livres, socialistas e feministas.

L’organització és la clau de la victòria!

Organiza-te para vencer!