“A juventude tomando partido” VIII Congresso Nacional

Setembro 13, 2020 | Em destaque

Neste passado 29 de agosto, depois de ter tido que adiar a data prevista inicialmente polo começo da pandemia da COVID-19, celebramos em Compostela o nosso VIII COngresso Nacional sob a legenda “A juventude tomando partido.” Uumha jornada que, quando já se fam 16 anos do nascimento de BRIGA, seguimos acreditando na necessidade de organizar a  juventude galega organizadas em chave independentista, feminista e comunista.

Foi num dos centros neurálgicos do associacionismo de base deste País, A Gentalha do Pichel,  onde analisamos aspetos da situaçom sócio-económica do nosso País e da sua juventude, do estado atual tanto do Movimento Independentista Galego, da situaçom do Movimento Feminista na Galiza, a respeito da reorganizaçom do movimento estudantil galego, entre outros asuntos.

Começamos a jornada com o debate e aprovaçom do Informe de Gestom, onde se analisava a atividade realizada pola organizaçom durante este período intercongressual e onde, para além da sempre necessária autocrítica e reconhecimento de eivas, fórom postos em destaque os acertos realizados mediante o trabalho militante e debatêrom-se diferentes formas de tentar superar esses obstáculos para melhorar a nossa prática. Após o enriquecedor debate procedeu-se a debater a Tese Política, na qual se realizou umha análise da situaçom socio-económica do País diante da crise social e económica que se viu acelerada pola pandemia mundial e como afetará concretamente à juventude galega ademais de analisarmos como devemos agir como moças perante esta situaçom.

Seguidamente realizou-se umha radiografia do atual estado tanto do Movimento Independentista Galego como das forças nacionalistas, tentando analisar quais devem ser os passos necessários a dar para construir a ferramenta organizativa integrada num projeto político integral que seja capaz de ser realmente útil e efetiva para a juventude galega, com a qual podermos pôr as basses para a criaçom dum movimento juvenil forte capaz de fazer que a juventude trabalhadora sejamos umha peça chave na transformaçom da Galiza cara à libertaçom nacional e à emancipaçom social de género.

Finalmente dêrom-se debates a respeito da situaçom do movimento feminista galego e os seus espaços de intervençom analisando como deve intervir a organizaçom nesse campo, ademais de realizar especificamente umha análise da situaçom das moças galegas e da precariedade agravada ainda mais pola própria condiçom de mulheres.  Ademais, nom faltárom debates sobre como enfrentar os reptos que o Movimento Estudantil Galego tem por diante durante o vindouro ano escolar.

Como feche, realizou-se o ato de encerramento onde fórom lidas as resoluçons aprovadas polo VII Congresso Nacional de BRIGA e um pequeno discurso elaborado pola Mesa Nacional entrante, procedeu-se ao visionado dos vídeos das saudaçons internacionais que nos figérom chegar as companheiras de Darreu (Asturies), Ernai (Euskal Herria), e Yesca (Castela) e deu-se por concluída a jornada com o canto da Internacional e o hino nacional da Galiza.

Aguardamos que esta nova etapa esteja cheia de vitórias coletivas para o nosso País e a nossa classe.

Avante a juventude revolucionária galega!

Viva Galiza livre, socialista e feminista