A JUVENTUDE BASCA EM MARCHA
Abril 3, 2015 | Em destaque, Internacionalismo
A Gazte Martxa, ou marcha da juventude, organizada em Euskal Herria os dias 3, 4 e 5 deste mês, será um grande momento para o encontro entre delegaçons internacionais das organizaçons, dos povos em luita contra o Estado espanhol e Francês, convidadas por Ernai.
A organizaçom juvenil da esquerda independentista basca fai dous anos de vida num contexto complicado devido à aposta represiva do estado espanhol. Este continua dedicidido a bater sobre todos os setores sociais para causar um malestar profundo e umha constriçom do movimento de libertaçom para posturas defensivas que paralisem o progresso da construçom da soberania nacional respaldada pola maioria social.
BRIGA nom vai poder participar destas jornadas, tam próximas no tempo à nossa Escola de Formaçom, que decorreu na Corunha pola primeira vez em doze anos de organizaçom consecutiva deste encontro formativo e fraterno inédito entre a juventude galega.
Saímos desta cita enormemente orgulhos@s e reforçad@s. Tal é o desejo que temos para os resultados do encontro da Gazte Martxa “Herria mugarri”. Temos a nossa mente e vontade colocada sobre esta cita no momento de escrever e ler estas linhas, sabendo da importáncia que para a luita do povo galego contra similares inimigos tem o sucesso da autoorganizaçom, em chave nacional, dos povos irmaos, por exemplo do basco.
Esperamos encontrar-vos pronto e poder trocar as melhores novas sobre o avanço das nossas luitas.
Adiante ERNAI!
Galiza, Euskal Herria, dous povos, a mesma luita!
