6-D. SE A CONSTITUIÇOM ESPANHOLA NOM NOS SERVE, AO LIXO COM ELA!

O 6-D é umha data que a mocidade galega nom celebra. Um feriado imposto no calendário que poucas/os de nós podemos desfrutar, pois nom se contempla esse descanso no nosso centro de trabalho ou a precariedade e o desemprego impedem que fagamos qualquer cousa que nom seja ficar na casa. Quem sim pom as melhores galas para comemorar este dia é o Regime espanhol. Este ano voltará exibir o seu orgulho monárquico, apesar de ter ao que foi o seu máximo representante por mais de 35 anos fugado nos Emiratos Árabes para evitar dar conta dos seus fraudulentos negócios. Também o fará o PSOE, que nom sente nengumha vergonha de ter sido o confesso colaborador da fugida de Juan Carlos.

Vam já 42 anos da proclamaçom dumha constituiçom que adoram mencionar, mas que cada dia assumem mais parcialmente. Estamos acostumadas/os a que esqueçam e seqüestrem as conquistas ganhas nas luitas da classe trabalhadora; vivenda, emprego digno, igualdade, som direitos recolhidos nela que levam dêcadas a ser esmagados. Mais recetemente, esqucêrom também a possibilidade da nacionalizaçom dos setores estratégicos, como a produçom do alumínio primário. Perdas de memória seletivas que só vam em benefício do grande capital, e em detrimento das condiçons de vida das classes populares.

Por isso a juventude rebelde sentenciamos que já nom nos vale. Dizemos que, governe quem governe, e tenha escrito o que tenha escrito, demonstrou servir só como a arma das elites espanholas. É a sua lei, e usa-na para enriquecer-se eles e empobrecer-nos a nós. Para encarcerar políticos/as cataláns/anas ou rapeiros que denunciam o que agora imputam os tribunais suíços. Por isso nom cabe reinterpretaçom nem reforma, combatemos a Constituiçom espanhola do mesmo jeito que combatemos o Regime do 78. A única saída viável é construirmos a nossa própria alternativa. A alternativa dumha Galiza livre, socialista e nom patriarcal. A alternativa dumha República Galega ao serviço das classes populares

SE A CONSTITUIÇOM ESPANHOLA NOM NOS SERVE, AO LIXO COM ELA!