13-A: O ESTUDANTADO GALEGO SAI ÀS RUAS!

A vindoura quarta-feira 13 de abril, o estudantado galego sai mais umha vez às ruas do nosso país em defesa do seu ensino, em luita por um novo modelo educativo à margem da lógico do Capital, o Patriarcado e o Estado Espanhol.

Para além de que o movimento estudantil galego continue luitando, a melhor notícia é o caráter histórico desta jornada de greve sendo a primeira jornada convocada por Erguer, Estudantes da Galiza desde a sua constituiçom o passado 5 de março. Para as estudantes organizadas em BRIGA, é toda umha alegria e orgulho sermos testemunhas e partícipes da primeira greve da organizaçom unitária do estudantado da esquerda independentista e nacionalista galega. Mais umha vez poderemos ver como as ruas da Galiza se ateigam de estudantes luitando polo modelo de ensino no que acreditam, no que acreditamos, ao tempo que as aulas do país ficam vazias.

Há uns dias conhecíamos a parcial tramitaçom da paralisaçom da LOMQE no Congresso dos Deputados, mas este nom é o nosso objetivo. O objetivo está na derogaçom total da LOMQE e a estratégia universitária 2020 assim como a construçom de um ensino galego, publico, democrático, de qualidade e antipatriarcal. Os inimigos aos que se lhe fai fronte, a Uniom Europeia e o Estado Espanhol, som fortes, mas a constáncia e a força do movimento estudantil fam-no capaz de sair ganhador desta contenda, assestando um forte golpe num dos piares do sistema. Um movimento estudantil forte é um futuro de luita assegurado.

Por último, desde o conjunto da militância de BRIGA, desejamos que a jornada de greve seja tudo um sucesso, e que Erguer e o conjunto do estudantado galego saia vitorioso desta significativa batalha.

Avante o estudantado galego!

Avante Erguer!