XIV JRJ – PRENDENDO O FACHO DA REBELIOM JUVENIL

Julho 3, 2018 | jovem e rebelde. Organiza-te para vencer

Mais um ano, e com este serám catorze, a juventude comunista organizada em BRIGA estamos a preparar umha nova ediçom da Jornada de Rebeliom Juvenil, que desenvolvemos na noite antes do dia da Pátria com o intuito de e que como todos os anos decorrerá na capital do País, no parque de Belvis.

24J 17 2

Com a legenda “Prendendo o facho da Rebeliom Juvenil” seguimos a trabalhar para poder sacar adiante esta jornada marcada no calendário da juventude independentista, umha jornada para dinamizar e abrir oco aos discursos contra-hegemónicos, umha jornada para consolidar essa rebeliom juvenil que precisa este País para avançar na criaçom desse movimento juvenil forte e combativo como parte imprescindível da libertaçom nacional e social de gênero do nosso País

lume24j

Num dia cheio de atividades reivindicativas em favor dos nossos direitos como naçom e como classe  e como gênero, desde BRIGA queremos contribuir com o nosso grao de areia organizando e participando de atividades durante todo o dia. participámos ao longo do dia na cadeia pola liberdade das presas independentistas, na marcha da juventude independentista e pola noite organizámos um espaço de ócio alternativo

A partir das 20h, como os últimos 5 anos, estaremos na citada manifestaçom juvenil unitária pola independência, que sairá da Alameda compostelá.

E desde as 23, voltaremos estar no parque de Belvis, para dar começo aos concertos.

24J17

Este ano contaremos com a partipaçom de quatro grupos da esceia galega:

  • Cuarta Xusta, umha banda jovem nascida em 2016 que vém pisando forte com o seu último trabalho “Un novo amencer”. Marta, Lúa, Alberto, Alba e Aida porám o seu berro reivindicativo para com os seus ritmos de rock em galego. (https://www.facebook.com/CuartaXusta/ )
  • Maskarpone, banda ourensá que encherá Belvis dos seus ritmos de ska com letras reivindicativas apresentando o seu novo trabalho “Outra Esmorga” (https://www.facebook.com/maskarponegz/ )
  • Ezetaerre, grupo de rap galego e combativo desde A Corunha, O Porrinho e Ourense que trazerám os seus ritmos cheios de dignidade, solidariedade e humildade (http://www.ezetaerre.com/ ).
  • Ataque Escampe, esta consolidada banda compostelá contribuirá com os seus variados som a criar umha atmosfera bailável onde deixar a um lado todo complexo. (http://www.ataqueescampe.org )

O 24 de julho vamos queimar aquilo que nos queima, vamos reafirmar a nossa condiçom de jovens que luitamos cada dia contra a miséria a que nos condenam, vamos renovar as nossas forças, vamos prender o facho da rebeliom juvenil por umha Galiza livre, vermelha e lilás.

24J 17

Vemo-nos em Compostela!

Cartaz24Julho