Solidariedade com o Lucas

Fevereiro 23, 2014 | Repressom

Amanhá declara na Audiência Nacional espanhola o companheiro Lucas Arbons, jovem da comarca do Condado. O Lucas é companheiro da nossa organizaçom. O tribunal político de origem franquista, inédito nos ordenamentos jurídicos doutros estados europeus, citou a declarar o companheiro sem comunicar qualquer acusaçom nem motivo da obriga a apresentar-se em Madrid, a 600 km da casa.

É em concreto o julgado de menores onde se desenvolverá a declaraçom de Lucas. Afora, militantes madrilen@s revolucionári@s e internacionalistas, assim como jovens da esquerda independentista castelhana, companheir@s de organizaçons irmás, acompanharám-nos numha concentraçom. Para a mesma, dous grupos de jovens militantes independentistas se tenhem deslocado já para dar apoio e denunciar a repressom política contra a juventude rebelde.

Lucas é um jovem caro e comprometido, exemplo de coragem e vitalidade. À espera de conhecer mais polo miúdo os motivos desta operaçom insultante já pola sua carência da mais elementar informaçom, de BRIGA encorajamos familiares, amizades, companheir@s e achegad@s a Lucas a mostrar-lhe toda a solidariedade que for possível. A ele, enviamos desde este portal na rede umha aperta revolucionária de ánimo.

Também queremos agradecer a vontade hospitalária de quem na capital do Estado nos vam facilitar a estáncia, cujo acubilho nos fai lembrar que a solidariedade é a tenrura dos Povos.

Continuaremos a informar.

Concentraçom às 10h30 na rua Luis Cabrebra de Madrid.

 AUDIÊNCIA NACIONAL, TRIBUNAL DO FRANQUISMO!