O Grupo de Base de BRIGA em Compostela tiramos mais um número do Azoar, o vozeiro comarcal
Maio 21, 2014 | Vozeiros Comarcais
Com a editorial esta vez apresentamos a campanha nacional de BRIGA às/aos jovens de Compostela, animando-@s a rebelar-se contra a exploraçom, a opressom e a dominaçom que sofremos.
Como parte fundamental do Azoar destaca a divulgaçom da atividade política d@s jovens de BRIGA em Compostela. Tal é o caso do início dumha campanha de agitaçom e denúncia contra o corrupto cachorro do PP, Adrián Varela.
Ou a irrupçom numha oficina do INEM, enquadrada dentro da campanha nacional “Que nom te deixem parad@. REVOLTA-TE”, e com a qual quigemos denunciar a alta taxa de desemprego juvenil da Galiza e a miséria da emigraçom forçada.
Por último recolhemos também a participaçom da Helena Sabel, responsável nacional da Mulher de BRIGA na Rádio Kalimera em um colóquio sobre a reforma da lei do aborto, onde reclamamos a soberania para os nossos corpos.
Mas também quigemos divulgar a atividade da assembleia comarcal de GPS, da que fazemos parte ativamente, e que homenageou o Banquete Democrático de Conxo no seu 158 aniversário.
Como novidade, a entrevista que realizamos a Ana Viqueira, do coletivo feminista do val da Amaía Conas Ceives, para falar da reforma da lei do aborto e do movimento feminista galego.
E por último, fechamos o vozeiro com a seçom de palavras cruzadas, desta vez sobre jogos populares, e com umha cita do Lenine, para assim comemorar os 90 anos após o seu falecimento.
Boa leitura!
