Novo episódio de repressom policial contra a militáncia de BRIGA

Na noite da passada terça-feira, três companheiras do Grupo de Base de BRIGA em Vigo eram retidas pola “polícia nacional” espanhola durante umha hora durante a qual registárom o carro, confiscárom material e formulárom umha disparatada denúncia à proprietária do carro por levar no seu interior um cortador “cutter” que emprega como ferramenta no seu posto de trabalho.

 Sem indicar por que fôrom perseguidas/os e posteriormente retidas, nem se se lhes acusava de algo, estamos ante mais um episódio de arbitrariedade e autoritarismo por parte do aparelho repressivo estatal, que cada vez pom mais esforços em perseguir, criminalizar e reprimir a juventude consciente e rebelde, enquanto a delinquência, o roubo, a violência e a corruçom estrutural estám perfeitamente assentadas nas instituiçons do governo espanhol.

 Este novo caso de perseguiçom policial, somado à recente imputaçom por parte da “Audiência Nacional” dum militante de BRIGA da comarca do Condado, constatam a aposta do Estado espanhol por manter o controlo e a falsa normalidade democrática pola via da repressom e a violência.

 BRIGA assume o repto de desafiar com decisom e coragem os contínuos embates repressivos desta regime ditatorial para continuar trabalhando pola Galiza independente, vermelha e lilás que precisamos.

 QUE A REPRESSOM NOM TE DEIXE PARAD@. REVOLTA-TE!