NOM DESPEJARÁM AS ÁNSIAS DE LIBERDADE
Junho 11, 2017 | Direitos e Liberdades, Em destaque, Movimentos Sociais, Repressom
Perante a manifestaçom que decorreu ontem polas ruas de Compostela para expressar o rechaço ao despejo do CSO Escárnio e Maldizer, BRIGA, organizaçom juvenil da esquerda independentista, quer manifestar o seguinte:
1.- A nossa absoluta condena à violenta atuaçom policial que malhou, agrediu e humilhou dúzias de pessoas que se manifestavam seguindo a lógica da resistência pacífica.
2.- A indiscutível solidariedade com as pessoas espancadas, golpeadas, arrastadas e identificadas e sobretudo, com as companheiras retidas durante várias horas na esquadra policial e as 2 pessoas detidas.
3.- O profundo orgulho pola liçom de inteligência, habilidade, solidaridade, rebeldia, resistência e amor coletivo dada ontem polas centenas de
manifestantes.
4.- O reconhecimento ao trabalho informativo exercido minuto a minuto por meios como o Diário Liberdade, Galiza Contrainfo ou Novas da Galiza, imprescindível para reflectir os factos desde a ótica das oprimidas e afastados da manipulaçom dos mass-meia ao serviço do poder.
5.- A satisfaçom pola onda de solidariedade das últimas semanas na defesa dos centros sociais, espaços de liberaçom do povo e para o povo.
6.- A alegria por fazer das ruas o principal espaço de reivindicaçom e conquistas populares, seguindo a máxima: “A rua é nossa”.
Porque nunca despejarám as nossas ánsias de liberdade, avante os centros sociais.
#EscárnioSomosTodas
#1000CentrosSociais
