Militante de BRIGA declarará na “Audiência Nacional” espanhola próximo 24 de fevereiro
Fevereiro 18, 2014 | Direitos e Liberdades, Em destaque, NotíciasHá uns dias anunciávamos que Lucas, militante de BRIGA da comarca do Condado, recebia umha citaçom da Fiscalia de Menores da “Audiencia Nacional” espanhola, para comparecer com sua mai/pai ou titor por motivos nom especificados.
Com apenas umha semana de antelaçom e sem dar nengumha explicaçom de porque era citado a declarar ante este tribunal herdeiro do franquismo, finalmente o Lucas terá que fazer 600 km para presenciar-se em Madrid a próxima segunda-feira, 24 de fevereiro.
Mas nom o fará só. BRIGA convoca concentraçom de apoio diante da “Audiência Nacional” às 10h30 para mostrar a nossa solidariedade perante as portas do prédio donde terá que declarar. Companheir@s de organizaçom , pessoas solidárias, familiares e amizades de Lucas, partiremos o domingo de madrugada para acompanhá-lo nesta viagem e oferecer-lhe o nosso apoio.
BRIGA nom pode deixar de fazer fincapé na via autoritária à que está acolhendo-se cada vez mais frequentemente o Estado espanhol para sufocar a rebeldia juvenil, implementando fórmulas profundamente inquisidoras, e chegando a omitir qualquer informaçom sobre as razons polas quais um jovem e a mai ou pai, som chamados a declarar com escassos dias de antelaçom.
Olhamos com preocupaçom, mas nom com menos raiva e rebeldia, a progressiva agudizaçom da repressom contra a juventude da esquerda independentista galega, pretendendo criar novas geraçons de galegas e galegos no silenciamento, o submetimento e a domesticaçom aos ditames de Espanha, o Patriarcado e o Capital.
Porém, a repressom espanhola, sempre baterá com a nossa resposta: a solidariedade e a rebeldia juvenil, motores fundamentais que mantenhem viva a nossa luita.
STOP REPRESSOM CONTRA A JUVENTUDE REBELDE GALEGA!
SOLIDARIEDADE COM O LUCAS.