Jovem independentista encausado e aumento da pressom policial no Condado

Junho 5, 2014 | Em destaque, Repressom

Lucas

Um militante da comarca do Condado compareceu esta semana nas dependências da Guardia Civil. O jovem fora citado para apresentar-se perante o corpo armado espanhol por um presunto delito de danos. Agora deverá aguardar a ser chamado a declarar polos julgados umha vez interposta denúncia respeito duns feitos à volta dum incidente antifascista na comarca.

Esta mesma semana, também, durante a concentraçom pola República Galega convocada em Ponte Areas, capital da comarca, tod@s @s participantes fôrom chulescamente abordad@s polos fardados espanhóis em aras da sua identificaçom. Entre eles e elas, alguns/mhas jovens de BRIGA que podem testemunhar, como @s vizinh@s que se encontravam nas redondezas, a mesma sobérbia com que desde há alguns meses estám a intervir os corpos repressivos do Estado nesta comarca do sul da Galiza.

Ao que parece, a crescente atividade e autoorganizaçom popular em chaves de esquerda, independentistas e feministas, tenhem agobiado mais dum mando da Guardia Civil. A aplicaçom da repressom de baixa intensidade em aumento nom deve passar desapercebida nem ser considerada como assumível pola juventude local. Cumpre é denunciarmos as sobreatuaçons, prepotência e impunidade policial para evitar mal maior à populaçom trabalhadora e à juventude em particular.

QUE NOM TE DEIXEM PARAD@! REVOLTA-TE!

CONTRA A SUA VIOLÊNCIA, ORGANIZA-TE E LUITA!

SOLIDARIEDADE COM O JOVEM ENCAUSADO!