E chega a décima!

Julho 4, 2014 | Em destaque, Notícias

X JRJ 4

Polo décimo ano consecutivo, BRIGA organiza a Jornada de Rebeliom Juvenil. Desta volta, como no ano passado, satisfai-nos comunicar que a manifestaçom que partirá às 20h da Alameda da capital galega decorrerá com o apoio de AGIR, AMI, BRIGA, Comités, Galiza Nova, Isca!, LEG e Xeira. As oito entidades estudantis e juvenis da esquerda patriótica apelamos conjuntamente a manifestar-se pola INDEPENDÊNCIA da Galiza.

Depois, a partir das 23h, terá lugar no Campus Sul da USC, no aparcadoiro ao lado da Faculdade de Engenharia Química, o festival de concertos com ato político central. Este ano tocarám os grupos galegos Raiva e Liska!, o valenciano Atzembla e o basco Betagarri.

Pola terceira vez consecutiva, desde a chegada do corruptíssimo governo do PP à alcaldia compostelá, nom temos acesso ao Parque de Belvis, onde vinha sendo tradiçom organizar o evento lúdico e reivindicativo. Isto nom impedirá que contemos de novo com umha alvoroçada assistência da qual vos convidamos a participar.

Ao longo de toda a jornada prévia ao dia da Pátria, isto é o 24 de julho, a militáncia de BRIGA encarregará-se de anunciar, agitar e movimentar a juventude chegada do País todo para tomar parte nos eventos independentistas que tingirám Galiza com as cores azul, branca e vermelha da nossa bandeira nacional.

Orgulhamo-nos particularmente de ter chegado a esta celebraçom que decorre desde 2004. Dez anos significam para nós um grande progresso e assentamento organizativo que esperamos impulsionar com umha exitosa jornada de luita, lazer, consciência e festa.

No Responses