DIA DA GALIZA COMBATENTE, ESTE ANO EM RIANXO
Outubro 9, 2014 | Atos, Em destaque
Polo décimo quarto ano consecutivo, NÓS-Unidade Popular organiza o Dia da Galiza Combatente. Nesta ocasiom a cita decorrerá no município barbançám de Rainxo, no passeio da Ribeira, a partir das 13h.
A figura a destacar este ano nom permanece agochada no esquecimento dumha esquerda complexada nem no silêncio dos poderes. Mais bem é umha senlheira figura que o espanholismo distorceu para comercializar o galeguismo com a menor afetaçom aos seus interesses nacionais e de classe.
Mas nada mais longe da verdadeira figura do “companheiro Daniel” que a sua caraterizaçom oficial. Afonso Daniel Rodrigues Castelao foi um galeguista no cultural e no político. Nada do que nos legou parece conservar-se na memória dalguns e algumhas das suas declaradas seguidoras nacionalistas. A vocaçom eleitoralista e o possibilismo desnorteado tenhem deslocado o pensamento que abonou o inquebrantável compromisso com a Pátria a esse imenso baúl de “cousas do passado”.
BRIGA intervirá através da sua responsável nacional, a companheira Eva Cortinhas. Junto a ela, falarám a porta-voz da Unidade Popular Rebeca Bravo e o historiador Uxío-Breogán Ezequiel. Posteriormente haverá um jantar de confraternizaçom.
A JUVENTUDE COMBATENTE MANTENDO VIVA A NOSSA HISTÓRIA!
QUE NOM TE DEIXEM PARAD@! REVOLTA-TE!
