CONVOCAMOS ATO NACIONAL DE HOMENAGEM A HUGO CHÁVEZ
Março 9, 2014 | Em destaque, Internacionalismo, Notícias
BRIGA figura entre as entidades que vindouro dia 15 de março convocamos umha homenagem nacional de Galiza à Revoluçom Bolivariana, representada na figura do seu falecido comandante Hugo Chávez Frías, e organizada pola AGARB (Associaçom Galega de Amizade com a Revoluçom Bolivariana).
A nossa organizaçom irmá, a estudantil AGIR, participou no ato de apresentaçom público realizado antonte numha livraria de Vigo. O responsável local da organizanizaçom estudantil participou junto com companheir@s doutras entidades convocantes numha rolda de imprensa em que se anunciou o ambicioso ato, para cuja assistência cumpre comprar um bono de entrada de 5€, já à venda em vários centros sociais do País.
O ato, que decorrerá no Teatro Garcia Barbom de Vigo, incluirá a intervençom de notáveis grupos musicais da Galiza e um venezuelano, assim como do apoio do próprio Consulado do país caribenho. Com certeza, à música acompanharám as intervençom políticas, que hoje mais do que nunca volverám colocar o acento sobre a soberania nacional frente às tentativas golpistas pró-imperialistas. E também sobre a intrínseca ligaçom entre soberania nacional e revoluçom social, reparto da riqueza e poder popular ante as ameaças belicistas da direita.
BRIGA é sem complexos firme defensora da revoluçom venezuelana. Estamos com @s que luitam por umha Venezuela sem classes sociais, sem mordaças ianques nem tutelas ou sobérbias eurocêntricas. Sonhamos com essa Venezuela que desde 1999 aprofunda na contradiçom entre ricos e pobres, entre classes sociais, entre soberania e saqueio, entre PÁTRIA E SOCIALISMO ou morte.
E nesse sonho, o desaparecido Chávez estará sempre presente.
Mais informaçom:
