CONTRA O DESMANTELAMENTO DAS UNIVERSIDADES PÚBLICAS GALEGAS

Maio 25, 2020 | Em destaque

A Xunta de Galiza segue com o seu processo privatizador do nosso ensino, trasladando à comunidade universitária umha proposta que pretende, sob o pretexto ‘modernizador’ do ensino, desmantelar o sistema universitário público mentres introduz a alternativa da universidade privada de ABANCA.

A proposta consta da introduçom de capital privado externo nas universidades públicas e  da gestom  em maos dumha consultoria privada, isto nom é mais do que umha aposta polo desmantelamento do ensino presencial e que pretende desvirtuar o caráter presencial das instituiçons universitárias, buscando a individualizaçon do estudantado e destruindo as relaçons entre docentes e estudantes, com o objetivo de desmobilizar-nos e destruir a nossa capacidade de autodefesa perante a estes ataques contra as classes populares, já que pretende deturpar o significado da universidade pública, como espaço de intercâmbio de ideias.

Esta proposta que pretende obrigar a que muitas titulaçons fagam ensaios em 2020 para ir impartindo este novo modelo, produzirá umha alteraçom nos quadrimestres e tem como objetivo a supressom da docência presencial teórica. Isto desencadeará em prescindir dumha boa parte do professorado universitário e das infraestruturas públicas universitárias para reduzir custos e substituí-lo por colaboradores docentes com contratos precarizados, tal e como acontece nas universidades a distância. 

Nom podemos consentir que se empregue a COVID-19 para desmantelar os nossos serviços públicos e implementar umha substituçom progressiva das instituiçons públicas polas privadas em maos de grandes Bancos e que só pretendem fazer caixa com a nossa educaçom.

Nem as estudantes somos mercadoria, nem o nosso ensino está em venda! 

Luitemos por um ensino público, galego e para as classes populares!