CONCERTO SOLIDÁRIO EM PORRINHO

Abril 10, 2015 | Atos, Em destaque, Repressom

Concerto PorrrinhoA repressom é umha realidade contra todo movimento revolucionário, e a juventude rebelde somos um alvo contínuo das medidas de sufocamento económico, perseguiçom e intoxicaçom do Estado espanhol.

No sul da Galiza, no último ano temos assistido à detençom e imposiçom de enormes sançons económicas a dúzias de jovens. O aparelho repressivo espanhol é consciente das enormes dificuldades que para as moças e moços da classe trabalhadora supóm assumir elevadas multas e dos limitados recursos económicos com que contamos organizaçons que se autofinanciam como é o caso de BRIGA, ou a entidade estudantil irmá, AGIR.

A repressom é como dizemos umha realidade da nossa prática militante, mas nom umha surpresa nem muito menos, umha escusa para cessar ou rebaixar a nossa luita. É por isso que achamos que a melhor forma de plantar cara à repressom é dando a conhecer esta realidade, achegar ao conjunto da juventude trabalhadora e do estudantado rebelde do nosso país as consequências que em Espanha tem defender um emprego ou vivenda digna, um ensino galego e público ou o aborto livre e gratuito.

E desta vez, o Grupo de Base da Lourinha queremos achegar esta realidade e tecer solidariedade juvenil realizando um concerto em Porrinho, este sábado 11 de abril.

Esperamos-te pois no Bar Lizeum às 22.30 onde contaremos com artistas da comarca como Kedro, DJ Pexe e Boris, Zones, Twister Rakeo e Zurdo.

Poderás adquirir a entrada anticipada por um bono solidário de 2,5€, 3€ se o mercas no próprio concerto.

ESPERAMOS-TE PARA PLANTARMOS CARA À REPRESSOM!
AVANTE A JUVENTUDE REBELDE DA LOURINHA!