CONCENTRAÇOM INDEPENDENTISTA COINCIDINDO COM DIA DA CONSTITUIÇOM ESPANHOLA

Dezembro 3, 2014 | Atos, Em destaque

Independência

De BRIGA queremos chamar ao conjunto da juventude trabalhadora galega a participar na convocatória independentista e suprapartidária convocada para o vindouro 6 de dezembro perante o Parlamento Galego, coincidindo com o dia em que Espanha celebra a imposiçom dumha Constituiçom que perpetua o Estado espanhol como marco de dominaçom da Galiza, e o Capitalismo e Patriarcado como sistemas de opressom do povo trabalhador galego e as mulheres.

Dita convocatória é impulsionada por um manifesto assinado por numeros@s ativistas da esquerda patriótica que querem chamar a atençom para a profunda degradaçom do regime espanhol imposto em 1978 e a necessidade de que o povo galego abra um caminho de rutura com o mesmo. 

O objetivo é trasladar às ruas umha mensagem em positivo, de construçom nacional, frente à miséria do povo trabalhador e o espólio do nosso território, língua, cultura e consequências demográficas terríveis.

A juventude rebelde deve contribuir para esta demonstraçom de força claramente independentista num contexto de degradaçom lenta mas constante da referencialidade da questom nacional galega frente a novos projetos espanhóis de esquerda, pouco ou nada preocupados com a assimilaçom de Galiza como naçom por parte do espanholismo.

Animamos-vos pois a acudir a esta convocatória independentista e a assinar o manifesto que a apoia. 

6 de dezembro, concentraçom independentista frente ao Parlamento Galego às 12h30

ACUDE!

A GALIZA JOVEM E REBELDE, EM PÉ POLA INDEPENDÊNCIA!