Avante a Catalunya obreira e popular!

Ante a proximidade da jornada nacional dos Països Catalans, a juventude da esquerda independentista organizada em BRIGA quer enviar umha sincera mensagem de apoio à juventude catalá, nomeadamente à organizada à volta d@s noss@s companheir@s de Arran.

A Diada deste 11 de setembro volta a reclamar a miragem de meio mundo ante um processo popular de emancipaçom nacional que se vê constrangido polas limitaçons legais do histórico império genocida espanhol. Opinólogos de todas as cores e os media em quase a sua totalidade estám a difundir no nosso país constantes insultos e mesmo ameaças à vontade maioritária da populaçom da Comunidade Autónoma de Catalunha de decidir livremente a sua relaçom com outros povos da península.

BRIGA participará com umha delegaçom durante estes dias em várias atividades impulsionadas por Arran e a maré humana que tomará as ruas mais um ano para mostrar-se como sujeito criativo dumha nova ordem. Disto informaremos nos próximos dias.

Mas por enquanto, e sem saír do nosso país, várias organizaçons da esquerda patriótica temos posto em marcha na rede umha campanha de recolhida de apoios individuais e coletivos.

A iniciativa procurará nas próximas jornadas alcançar o maior número possível de adesons que crebem o falso pensamento único de que na Galiza nom somos conscientes nem solidári@s com a causa da liberdade dum povo irmao.

Apelamos a assinardes o documento assim como a participar das iniciativas que na Galiza se figerem para mostrar que a nossa bandeira é, aqui e hoje, símbolo de luita nacional, social e feminista. Onde for, e sempre.

Dia 11 de setembro haverá umha colorida concentraçom na praça da Quintana de Compostela às 19h

VIVA GALIZA CEIVE!

VISCA CATALUNHA LLIURE!

VIVAM @S JOVENS DOS POVOS QUE LUITAM!