AÇOM JUVENIL INTERNACIONALISTA CONTRA A MONARQUIA ESPANHOLA
Junho 26, 2014 | Campanhas, Em destaque, Internacionalismo, Que nom te deixem parad@. Revolta-te!
A seguir disponibilizamos vídeo e comunicado da açom realizada polas organizaçons juvenis da esquerda independentista de Aragón, Andaluzia, Castela, Euskal Herria, Països Catalans e Galiza, durante a primeira semana de reinado de Felipe VI.
Assim é que a juventude rebelde que nem é nem quer ser espanhola, dá as boas-vindas ao novo monarca.
LUME A ESPANHA E LUME À MONARQUIA!
Na primeira semana de reinado de Felipe VI, a juventude dos distintos povos sob jurisdiçom do Estado espanhol quigemos dar-lhe as boas-vindas…mostrando o nosso mais profundo rechaço, convertendo em cinzas imagens do novo monarca, assim com do seu pai Juan Carlos I e de aquele que os subiu ao trono, o ditador Francisco Franco.
Com esta açom queremos denunciar o continuismo do franquismo no sistema atual e exigir umha rutura com o regime do 78 por meio de processos constituintes nos nossos povos. Sendo assim a monarquia nom só umha figura anacrónica, mas também um dos principais ícones do Patriarcado, a opressom de classe e nacional; assim como representar os autênticos valores do espanholismo: corruçom impune e opulência ante as misérias.
Queremos mostrar desta maneira que nos opomos a reverenciar nengumha monarquia, e que desde os seus primeiros dias no trono luitaremos pola sua aboliçom, sendo o seu pior pesadelo. Luitaremos por desfazer o seu reinado, construído a base de repressom e tortura, assim, silenciando violentamente o direito a decidir e a vontade do povo.
Luitaremos face a libertaçom social, nacional e de género.
Desde Aragón, Andalucía, Euskal Herria, Galiza, Països Catalans e Castilla: Arde a monarquia! Arde o regime!
