A JUVENTUDE DO PROJETO LENINISTA
Maio 13, 2014 | Em destaque
A companheira militante de BRIGA Luzia Leirós participou como convidada nas XVIII Jornadas Independentistas Galegas organizadas por Primeira Linha e decorridas onte em Compostela. Luzia, nascida em Vigo em 1986, fai parte da geraçom de maior idade e experiência da nossa organizaçom. A jovem, que também fai parte do Comité Central de Primeira Linha, foi a primeira das seis ponentes que participárom este dia 10 deste grande encontro de formaçom e debate comunista anual.
A intervençom da jovem trabalhadora virou à volta do título “A juventude do projeto leninista”. Ao longo de algo mais de 60 minutos, Luzia colocou sobre a mesa algumhas das ideias centrais da intervençom política da juventude rebelde galega, projetadas ao pé de rigorosos dados estatísticos, e indicadoras da natureza patriótica, feminista e socialista do nosso projeto político.
Agradecemos a Primeira Linha o convite e parabenizamo-nos polo sucesso desta decimoitava ediçom das Jornadas Independentistas, em que a figura do revolucionário russo Lenine foi reivindicada envolta do seu mais atual e criativo legado.
