A INSUMISA NOM SE MERCA!

DESPEJO CSO A INSUMISA

Hoje acaba o prazo dado polo concelho para o abandono voluntário do CSO A INSUMISA, polo que o despejo deste Centro Social pode produzir-se em qualquer momento. De BRIGA amossamos o nosso apoio incondicional a todas as companheiras que decidirom dar-lhe vida a um edifíco abandonado naquela altura, convertendo-o no que é hoje: um espaço em que poder auto-gerir a cultura, o lazer e, em definitiva, as vidas. Para nós a re-apropriaçom de espaços é um movimento útil para levar à prática a transformaçom social e tecer redes de contra-poder, com um outro jeito de nos relacionar contrário ao que impom o sistema. Mas nom so isso, é também umha luita contra a especulaçom e a gentrificaçom urbanística já que, okupando um espaço valeiro sometido a processos especulativos, estamos a priorizar o seu valor de uso sobre a lógica mercantil de câmbio. Okupar um espaço público com um projecto aberto e horizontal é reivindicar publicamente a reapropiaçom do território comum, por direito próprio e sem licença, para abrí-lo a toda a comunidade urbana. De BRIGA entendemos que a criaçom de comunidade é umha inércia coletiva, assumir que somos quem de desenvolver relacionamentos diferentes, expropriar progressivamente o poder e construir estruturas que o redistribuam desde a participaçom direta do povo. A okupaçom é umha ferramenta que ajuda a desconstruir as super-estruturas centrais e inserir novas formas de poder distribuido. Por todo isto, ontem e hoje apoiamos às companheiras do CSO A Insumisa na luita pola conservaçom dum espaço que é de todas.