Solidariedade com as detidas em Compostela. A repressom nom nos calará!
Junho 21, 2017 | Direitos e Liberdades, Movimentos Sociais, Repressom
Perante as detençons realizadas ontem em relaçom ao Escárnio e Maldizer BRIGA quer manifestar, antes de mais, a solidariedade com as companheiras detidas ontem no marco da operaçom policial aberta contra as pessoas que saírom às ruas para defender o CSO Escárnio e Maldizer e exigimos a absolviçom de todos os cargos que pessem contra elas.
Consideramos que nos achamos perante umha auténtica razzia policial e caça às bruxas como continuaçom da resposta repressiva, a única ferramenta que conhece o Estado espanhol para a resoluçom de conflitos, como o que fica aberto no País despois deste novo ataque aos movimentos sociais. Toda esta resposta corresponde-se com umha derrota clara das tentativas de criminalizaçom que se pugérom em andamento desde o minuto um em que se produziu o despejo, tanto através das cargas policiais, das mentiras e manipulaçons da imprensa sistémica, desde jornais até televisons, dos sindicatos policiais etc. Campanha que, porém, nom logrou o seu objetivo e nom impediu que a povoaçom compostelana se mobilizasse sem medo e com firmeça, espalhando-se essa capacidade mobilizadora ao outros pontos da geografia galega, como se puido ver no dia de ontem nas concentraçons e manifestaçons realizadas em vilas como Lugo, Ourense, Corunha, Vigo, Ferrol, A Guarda e a própria cidade de Compostela.
Concentraçons contra a repressom que se está a levar a cabo por parte dum Estado que, ao ver-se totalmente desligitimado, nom duvida em tentar semear medo e desalento com as detençons e denúncias.
Nada mais longe da realidade, toda esta vaga nom fai senóm afortalar a conviçom que temos todos os agentes sociais que estivemos, estamos e estaremos em pé na defesa dos nossos espaços, em defesa dos movimentos sociais que mantenhem vivo este País, atuando de forma unitária e conscientes de que este ataque nom é apenas ao projeto do Escárnio, mas a todos os projetos sociais que apresentam alternativas à miséria à que nos condea o Estado espanhol e o Capital.
A SUA REPRESSOM NOM NOS CALARÁ!
STOP CRIMINALIZAÇOM E REPRESSOM CONTRA OS MOVIMENTOS SOCIAIS!
10, 100, 1000 CENTROS SOCIAIS!
